حالة حُــــــب

حالة حب

كتبتها: 01/02/2012

والله بفرح 
بجد و الله بفرح لما بشوفها 
وحظي اني بشوفها كتير 
ساعات بكلمها في التليفون
لمجرد اني اسمع صوتها
وافــــــــرح ...
من غير سبب
"آلو ... بسأل عليكي بس"
مجرد اني بسمع صوتها في التليفون
بفرح
وبحس ان اليوم بقي حلو أوي
وساعات ببقي مكتئب
أكلمها
افرح و اليوم يبقي جميل
أكتر كلمة حاسسها بتعبر عنها
الفرح
ابتديت احب الإسم ده
فرح
فرحة
فرخة ... (تيجي برضه :D)
وحتي و أنا بكتب دلوقتي
مبسوط
وفرحان
بفتكر اول مرة شفتها فيها
كانت بالنسبة ليا شخص عادي
بس كانت من نصيبي إني كنت معاها
في نفس المكان
وابتديت اتكلم معاها
دقيقة
ساعة
ساعااااات
قعدنا نتكلم كتير اوي
وكنت ببقي فرحان أوي
ببقي قاعد معاها وانا مبتسم
ولو قالت أي حاجة
بقعد أضحك (أدحك)
بجد بدحك
وبفرح أوي
وبقيت بستني الوقت اللي اشوفها فيه
ويعدي وقت مشوفهاش
وارجع اشوفها تاني
واتكلم معاها
وساعات كتير مركزش في كلامها
وافضل ابص في عينيها
واسيبها تتكلم
واتوه أنا
عيونها مش عارف لونهم
بس بحبهم
كلهم أمل
 و حب
و تفاؤل
مش عارف أقول ايه
بس انا فرحان
فرحان بيها اوي
انا كنت عاوز اكتب عنها حاجات كتير
حاجات كتير اوي بحبها فيها
بس مش عارف
مش عارف اعبر
عشان
انا فرحان
بجد 

محمود سامي
1/2/2012
في حبها