نفسِـــــــــي

نفسي

كتبتها: 04/06/2012

النهاردة رحت المنشية
رحت سوق اللعب هناك
ولقيت بتاعت
فقاعات الصابون
لعبة كده بتطلع bubbles of soap
وكان شكلها حلو اوي
ورخيصة و حجمها كويس ...
بس  مجبتهاش
ساعات بيبقي نفسي في حاجة
وقادر اني اجيبها و مش بعرف
نفسي ألعب
ألعب بجد
أنزلل الشارع زي زمان و ميبقاش هاممني حد
وألعب كورة
والكورة تقع تحت العربية و أنزل أجيبها
وهدومي تتوسخ و أرجع بعد المغرب ...
نفسي أجيب ميكانو
وأعمل بيوت ...
نفسي أجيب بلالين و أمشي بيها في الشارع
أو انفخ بالونات كتير
وأقعد أفرقعها مع صحابي ....
نفسي أطييير
نفسي أطييير فووووق اوي
وأتسابق مع الطيور
وعارف إني حسبقهم ....
نفسي في حد جمبي
نفسي في الناس اللي بحبها تبقي جمبي علي طول
وأنا مش حزعلهم أبدا
حعيش معاهم أحلي أيام ...
نفسي ....
نقسي في حاجات كتييير أوي
ومبعرفش أعملها عشان حواجز
دين و عادات و حاجات كتير أوي حواليا
حواجز حواليا في كل حتة ...
نفسي في مكان مجرد ...
مكان أتنفس فيه طعم الحب
مكان من غير نقد و نظرة مجتمع
نفسي في حرية ...
نفسي .......

04/06/2012 محمود سامي