#عنها

#عنها_1

كتبتها: 03/05/2013

كتبت #عنها و تولّت الكاتبة: هـــانيا حُسام الكردي الكتابة عن #عنه (للإطلاع عليها إضغط هـــنا)

عارفة كُنت ليه بكلمك ؟

وكنت ليه بحب أقابلك ؟

انا نفسي مش عارف ..

بس كُنت بحس و انا بتكلم معاكي إني شخص مختلف

ببقي رقيق اوي مع اني دبش

وببقي حنين اوي ..

ولما كنتي بتعيطي .. عشان انتي رقيقة فعلا

كنت ببقي عاوز أقولك ... "بلاش"

كل دمعة و كل شخص زعلك في حياتك

كان نفسي يختفوا عشان مشفش دمعة منك ..

فاكرة لما كُنا بنقعد جمب بعض

كتفنا في كتف بعض ؟!

وأحس قد إيه إن أنا شخص محظوظ ..

واقلك : "إني بجد فرحان بيكي اوي "

كان نفسي أقول كتير

بس مينفعش أتكلم ..

أصل أنا بحب أبقي تقيل ..

الحاجة لازم تاخد وقتها اوي !

فاكرة اللي أنا فاكراه؟

أصلك يوم ما مشيتي حسيت إن كل حاجة حلوة

وكل ثانية كانت معاكي و اتبسطت فيها

كانت بالنسبة لك عادي !

فاكرة يوم ما مشيتي

أنتي نسيتي أنا كنت ليكي إيه ..

بس عارفة ؟

أنا منستش ..

محمود سامي 

#عنها_1

03/05/2013